Sportel i ri i DPSHTRR në Kavajë – Lehtësi për më shumë se 9 mijë zotërues mjetesh
Duke filluar nga sot, 17 Qershor, sporteli i ri i DPSHTRR në ambientet e ADISA Kavajë! 🤝
Drejtoria e Përgjithshme e Shërbimeve të Transportit Rrugor njoftoi se nisur nga dita e sotme, 17 Qershor 2019, është hapur sporteli i ri në ambientet e ADISA në qytetin e Kavajës.
DPSHTRR tha se hapja e këtij sporteli do të lehtësojë më shumë se 9 mijë zotërues mjetesh.
Gjithashtu sporteli i ri do të mund të ofrojë pranë qytetarëve 8 procedura dhe më shume se 73 mijë shërbime në vit.
Sipas njoftimit, DPSHTRR tha se eliminohet edhe 42 km rruge vajtje –ardhje Kavajë-Durrës si edhe 1 orë vajtje ardhje.
Në përfundim të njoftimit, DPSHTRR bëri me dije se së shpejti do të hapet sportel i ri edhe në qytetin e Librazhdit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.