Sportelet vazhdojnë të hapura, Posta Shqiptare apel qytetarëve: Pajisuni me masat mbrojtëse!
Posta Shqiptare, nëpërmjet një njoftimi në faqen zyrtare ka thënë për qytetarët se sportelet vazhdojnë të jenë të hapura, për të ofruar shërbimet që nevojiten. Po ashtu, Posta i ka bërë thirrje të gjithë qytetarëve që paraqiten në sportele, të jenë të pajisur me masat mbrojtëse, si maskat dhe dorezat, si dhe të respektojnë rradhën, duke hyrë një nga një në sportel.
Edhe Posta Shqiptare është përshtatur me situatën e krijuar në vend, për shkak të pandemisë së coronavirus, duke vendosur dërgesën e pensioneve në shtëpi, për të parandaluar vënien në rrezik të tyre, me paraqitjen fizikisht në sportele.
Nga ana tjetër, çdokush që kërkon të dërgojë para nga një qytet në tjetrin, mund të përdorë shërbimin më të ri të Postës, nëpërmjet të cilit marrësi i pagesës nuk ka nevojë të dalë nga banesa, pasi shuma i shkon direkt në shtëpi. Në sportelet e Postës, aktualisht mund të kryeni pagesat e faturave të ndryshme, si uji apo dritat.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.