“Spotify” paditet me 1.6 mld dollarë – Shpërndante dhe riprodhonte këngë pa patur licencë për to
Kompania e aplikacionit të njohur Spotify është paditur nga një tjetër kompani, Wixen Music Publishing Inc me 1.6 miliardë dollarë
Wixen, e licencuar për këngët si “Free Fallin,”nga Tom Petty dhe “Light My Fire” nga Doors por edhe për disa këngë të tjera ka kërkuar së paku 1.6 miliard dollar dëmshpërblim.
Spotify nuk arriti të marrë një licencë nga Wixen e cila do ta lejonte kompaninë të riprodhonte dhe shpërndante këngët, është shprehur Wixen në një padi të paraqitur në gjykatën federale të Kalifornisë.
Gjithashtu Wixen pretendon se Spotify e ka shitur punën e saj tek një palë e tretë, Harry Fox Agency.
Spotify refuzoi të komentojë mbi këtë çështje por në Maj kompania pranoi të paguante 43 milion dollar në një tjetër çështje kur kishte shkelur të drejtat e autorit.
Kompania synon këtë vit të dalë në bursë dhe në muajt e fundit vlera e Spotify është rritur me 20% duke arritur kështu në 19 miliardë dollarë.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.