Statistikat e arsimit të lartë/ Po çfarë po diplomohen më shumë shqiptarët?
Në vitin 2019 janë diplomuar në arsimin e lartë 34.891 studentë, ose 1,6 % më shumë se në vitin 2018.
Referuar të dhënave të INSTAT, ndër të diplomuarit e këtij viti, 66,4 % janë gra dhe 33,6 % janë burra. Të diplomuarit në programet Bachelor përbëjnë 53,6 % të studentëve të diplomuar gjithsej.
Fusha në të cilën janë diplomuar më shumë studentë në të gjitha programet është “Biznes, administrim dhe ligj” prej 27,8 %.
Në vitin 2019, gratë dhe burrat e diplomuar sipas fushave të studimit, mbajnë përqindje të ndryshme ndër të diplomuarit gjithsej.
Fushat në të cilat janë diplomuar më shumë gratë janë “Arsim” me 81,4 % ,ndjekur nga “Shëndet dhe mirëqenie” me 79,1 % dhe “Arte dhe shkenca humane” me 78,2 %.
Fushat në të cilat janë diplomuar më shumë burrat janë “Shërbime” me 73,6 %, “Inxhinieri, prodhim dhe ndërtim” me 62,6 % , dhe “Bujqësi, pyje, peshkim dhe veterinari” me 55,1 %.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.