Sterlina vijon rënien, ndiqet nga euro – Dollari forcon pozitat ndaj lekut

Në tregun e këmbimit valutor vendas monedhat kryesore ndërkombëtare kanë regjistruar luhatje.

Valuta eurozonës ka rënë lehtë nga dita e djeshme me 0.1 lekë për njësi në blerje duke arritur në kuotën e 123.4 lekëve. Paundi britanik po ashtu ka pësuar rënie ndikuar kjo edhe nga fakti i trazirave për Brexit kohët e fundit. Paundi ka kapur ditën e sotme vlerën 136.3 duke rënë kështu me 0.2 lekë për njësi.

Situata paraqitet më pozitive për dollarin amerikan, i cili është forcuar me 0.5 lekë për njësi kundrejt monedhës vendase. Valuta këmbehet sot për 109 lekë në blerje dhe 109.8 lekë në shitje.

Ndërsa, sa i takon monedhave të tjera të huaja, dollari australian është rritur duke arritur kuotën e 78.3 lekëve në blerje ndërsa dollari kanadez është rritur me 0.6 lekë për njësi. Ndërkohë, franga zvicerane ka mbetur e pandryshuar duke u këmbyer sot në pikat e këmbimit valutor për 109.5 lekë.

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.