Stërvitje në karantinë/ Si po mbijeton industria 94 miliardë dollarëshe e fitness-it?
Ndërsa koronavirusi vazhdon të përhapet, studiot e fitnesit në të gjithë vendin kanë mbyllur dyert dhe po përshtaten me një realitet të ri. Ndryshimet kanë tronditur industrinë e fitnesit, e cila ishte me vlerë 94 miliardë dollarë në vitin 2018, sipas Shoqatës Ndërkombëtare të Shëndetit, Racquet & Sportsclub.
Disa studio në Shtetet e Bashkuara, Australi, Kanada dhe Francë, po ofrojnë klasa falas në Instagram Live, në mënyrë që ata të cilët janë të apasionuar pas stërvitjes, të mund të kenë akoma mundësi të trajnohen edhe pse nga distancë. Shumë prej këtyre studiove ofrojnë klasa falas, por ka dhe nga ato të cilat janë duke operuar me pagesë, duke fituar deri më tani më shumë se 1 milion dollarë të ardhura.
Pandemia e Covid-19, goditi thuajse 90% të palestrave, ku të gjitha ato të cilat kanë qënë palestra të vogla nuk do të mund t’i mbijetojnë dot kësaj goditjeje. Pikërisht për këtë arsye, si një zgjidhje alternative, disa prej tyre kanë krijuar video në YouTube, si një përpjekje për të mbajtur klientelën e tyre të argëtuar dhe aktive, duke shpërdarë më klientët, stërvitje falas 30-minutëshe.
Ndërkohë, ndërmarrjet e fitnesit virtual dhe dixhital po përfitojnë nga ndërrimi i industrisë. MIRROR, një sistem interaktiv i fitnesit në shtëpi ka parë një rritje të shitjeve.
“Shitjet janë dyfishuar më shumë që nga ardhja e Covid-19″, tha CEO i MIRROR Brynn Jinnett Putnam për CNN. Ajo shtoi se ekipi i MIRROR-it ka qenë “duke punuar gjatë gjithë kohës për të nxjerrë në treg produktin e tyre dixhital më herët sesa ishte planifikuar fillimisht“.
Për shërbimet e fitnesit vetëm në internet, biznesi po lulëzon. Shërbimi u jep anëtarëve qasje të pakufizuar në klasa të ndryshme cdo ditë, falas ose për një shumë e cila është e barazvlefshme ose më e lirë se sa ajo e një palestre fizike në kushte normale.
Elefteria Zguri/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.