Strategji 5-vjeçare për sigurinë kibernetike. Në fokus mbrojtja e fëmijëve, 5 bashki hapësirë publike me Wi-Fi falas dhe të filtruar
Ditët e fundit të vitit që sapo lamë pas Këshilli i Ministrave ka miratuar Strategjinë për Sigurinë Kibernetike për hapësirën 2020-2025, kryefjala e së cilës do të jetë mbrojtja e fëmijëve. Ndërsa një seri ndryshimesh në legjislacion dhe në përgatitjen e ekspertëve pritet të vihen në jetë gjatë viteve të ardhshme, strategjia parashikon krijimin e hapësirave publike me internet të sigurt për fëmijët dhe familjet nëpërmjet nismës “Friendly Ëi-Fi” në 5 Bashki të vendit, duke ofruar jo vetëm aksesim falas të internetit por njëkohësisht informacion të filtruar me qëllim mbrojtjen e fëmijëve dhe të rinjve nga përmbajtjet abuzuese online.
Në Strategji është parashikuar Krijimi dhe mbështetja e rrjetit online të mësuesve të Teknologjisë së Informacionit për të promovuar çështjen e mbrojtjes së fëmijëve në Internet
Paralelisht Strategjia parashikon Aplikimin e filtrave në shkollat publike dhe private për të parandaluar aksesin e fëmijëve në faqe të papërshtatshme dhe të paligjshme si dhe informimi në vijueshmëri i mësuesve të Teknologjisë së Informacionit për raportimin e incidenteve. Raporte mujore dhe vjetore të incidenteve të sigurisë në internet të fëmijëve nga mësuesit e TIK pranë institucioneve arsimore vendore, përgjegjëse për arsimin parauniversitar
Një tjetër përcaktim I strategjisë është Krijimi i programeve të trajnimit për personelin e gjyqësorit, prokurorisë dhe Policisë në lidhje me mbrojtjen e fëmijëve në Internet dhe sigurinë kibernetike, duke përfshirë evidenca të përdorimit digjital dhe ndihmën e ndërsjellë juridike.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.