Strategjia e Malit të Zi për të tërhequr turistë këtë sezon / Vendi i parë në Evropë pa koronavirus

Më pak se dy muaj pasi zbuloi infeksionin e saj të parë, Mali i Zi është vendi i parë në Evropë që e deklaron veten pa koronavirus, një histori suksesi që vendi i vogël shpreson do të tërheqë turistët në bregdetin e tij të Adriatikut këtë verë.

Për javë të tëra, hotelet kanë qenë bosh, pasi pandemia i mban larg vizitorët.

Por më në fund, ekziston një fije shprese, pasi Mali i Zi njoftoi se nuk ka më raste aktive të COVID-19.

Operatorët e turizmit kanë shfrytëzuar tashmë mundësinë për ta quajtur Malin e Zi si “Vendi i Parë i Evropës pa COVID-19” në videot që promovojnë bukurinë e tij natyrore, me plazhe që gjarpërojnë përgjatë jugut dhe male të thyer në veri.

Në Kotorin piktoresk, një qytet me mure mesjetare i vendosur në një gji të rrethuar nga mali, vendasit nuk janë prekur fare nga virusi, pa asnjë rast të njohur.

Ndërsa agjencitë turistike janë ende në pritje të një sezoni të vështirë, ka shpresë se ky rekord shëndetësor i pastër do të zbusë goditjen në një industri që përbën më shumë se një të pestën e PBB-së dhe 19 përqind të fuqisë punëtore për Malin e Zi.

D.B – SCAN
Burimi: AFP Relax News

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.