Strategjia e re e Sigurisë në Komunitet – Siguria publike, në fokusin e të gjithë aktorëve institucionalë qendrorë dhe vendorë

Siguria publike, në 5 vitet e ardhshme nuk do të jetë më kompetencë vetëm e Policisë së Shtetit, por e të  gjithë aktorëve institucionalë qendrorë dhe vendorë.  Me fillimin dhe implementimin e procesit të decentralizimit, si dhe konceptit të sigurisë në komunitet, siguria publike tashmë ka pësuar një ridimensionim në mënyrën e ofrimit të shërbimeve ndaj qytetarit. Kjo qasje e re do të materializohet në Strategjinë e re Ndërsektoriale të Sigurisë në Komunitet 2021-2026.

Synimi i krijimit të kësaj strategjie të re është krijimi i një mjedisi sa më të sigurt për komunitetin për të mbrojtur jetën dhe pronën duke ofruar shërbime, në bashkëpunim të ngushtë me të gjithë aktorët në fushën e sigurisë, agjencitë e sigurisë publike, komunitetin si dhe subjekteve të tjera publike dhe private.

Po ashtu në fokus të saj është  reformimi i shërbimit Policor  dhe rritja e kapaciteteve për policimin në komunitet  ndërsa lidhur me efektet financiare, është parashikuar  që  do të  përballohen nga buxhetet respektive vjetore të institucioneve të ngarkuara me zbatimin e Strategjisë dhe Planit te Veprimit, në mënyrë të detajuar, ndër të cilat Ministria e Brendshme dhe Drejtoria e Përgjithshme e Policisë së Shtetit  .

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.