Strategjia e zgjerimit – Udhëheqësit e Ballkanit Perëndimor takim në Sofje

Udhëheqësit e vendeve të Ballkanit Perëndimor do të zhvillojnë sot në një takim në kryeqytetin e bullgar, Sofje. Të pranishëm në këtë takim do të jenë edhe përfaqësues të lartë të BE-së,  presidenti i Komisionit Europian, Jean Claude Junker, Përfaqësuesja e Lartë e BE për Politikën e Jashtme të BE-së, Frederica Mogherini si dhe Komisioneri Europian për Zgjerim, Johannes Hahn.

Në fokus do të jetë mbyllja e turneut ballkanik të Presidentit Juncker, të mbajtur ditët e fundit në kontekstin e strategjisë së publikuar nga Komisioni Europian për të ardhmen e rajonit.

Kryeministri bullgar Bojko Borisov, zyrtarët e lartë europianë dhe krerët e Ballkanit Perëndimor do të diskutojnë mbi perspektivat për rajonin si dhe për mundësitë në infrastrukturë dhe lidhje dixhitale.

Strategjia për integrimin e Ballkanit Perëdnimor u prezantua nga Komisioni Europian më 6 shkurt, e fokusuar në gjashtë iniciativa thelbësore të cilat kanë për qëllim forcimin bashkëpunimin në një sërë fushash. Këto iniciativa përfshijnë sundimin e ligjit, sigurinë dhe emigracionin, zhvillimin social-ekonomik, ndërlidhjen, agjendën dixhitale si dhe pajtimin dhe marrëdhëniet e mira fqinjësore.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.