“Studentët synojnë tregun e jashtëm”, Qiraxhi: Nuk kemi ende një orientim për degët që kërkon tregu i punës

Tregu i jashtëm vijon të mbetet aternativa më e mirë për shumicën e të rinjve të cilët mbarojnë studimet në Shqipëri,  dhe një ndër arsyet, sipas  Migen Qiraxhi , përfaqësuesit të “Qëndresa e Qytetare”  është mungesa e  një axhende orjentimi të studimeve me tregun vendas. Në një intervistë për SCAN Qiraxhi thekson se studentët po kërkojnë  degët e studimit  për të cilat ka më shumë nevojë tregu i huaj si infermieri, fizioterapi mami etj:

“Kjo është ajo që ne kemi theksuar me forcë se duhej të ndodhte. Autoritetet e vendit dhe ato që hartojnë politikat do të duhet që nëpërmjet axhendave kombëtare dhe masave të drejtpërdrejta duhej të mirëorientonin studentët në degët që kishte nevojë tregu i brendshëm, sepse kjo situatë në mungesë të një axhende kombëtare shohim që sistemi jonë arsimor vihet në shërbim të axhendave të tjera kombëtare.”

Duke u ndalur tek ndikimi i pandemisë  në arsimin e lartë Qiraxhi theksoi se duhet një analizë e plotë për të parë efektet e mësimit on line:

“Realiteti ynë i ri ku kemi hyrë nëse nuk prodhon dije, informacion i cili do t’i shërbejë gjithë jetën dhe këta zotërinjtë që drejtojnë institucionet për t’ju thënë që ky është një viti humbur dhe duhet të marrin të gjitha përgjegjësitë që ata kanë pasur, që ky të rezultonte një viti i suksesshëm, që me shumë mund dhe sakrifica po rezulton i suksesshëm në vende të tjera, por nuk është realiteti jonë.”

Përfaqësuesi i “Qëndresa e Qytetare” u ndal edhe  tek protestat e fundit të studentëve  duke theksuar se ato janë të drejta dhe se komitetit të ekspertëve të shëndetësisë  i është kërkuar  një protokoll për realizimin e tyre në këtë kohë pandemie:

“Disproporcionaltieti në të cilin ne ndodhemi kur shohim partitë që organizojnë aktivitete, institucione që organizojnë aktivitete të panevojshme, sepse shpeshherë nëse shikoni hipotekat që i shpërndajnë në mënyrë fizike duke mbledhur njerëz, mund të shkojnë me postë në shtëpitë e tyre. Ndërsa shikojmë se ato që janë të nevojshme si dija në praktikë e kalojmë online dhe kjo duhet të rregullohet sa më parë.”

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.