Studentët vijojnë protestën – Rama do vazhdojë dialogun, e nisur të hënën me Gjeologjikun
Prej dy javësh studentët kanë bojkotuar mësimin, duke protestuar për arsim më cilësor dhe më të lirë. Edhe sot ata do të protestojnë. Si fillim pranë fakulteteve të tyre e më pas marshimi drejt Kryeministrisë. Studentët kërkojnë me ngulm plotësimin e tetë kërkesave të tyre. Nga ana tjetër kreu i qeverisë Edi Rama ka paralajmëruar se do të vazhdojë te ketë takime me studentë dhe pedagogë. Një ditë më para Rama u takua me një grup studentësh dhe pedagogësh të Gjeologjikut.
“Faleminderit për mikpritjen grupit të studentëve dhe pedagogëve të Gjeologjikut, me të cilët patëm një bashkëbisedim të dobishëm për Dialogun(e në fakt zhvilluam vetë Dialogun)😉Mësova gjëra të reja prej tyre, mbase edhe ata e kuptuan mirë se ku e kam hallin unë😁Nesër vazhdojmë”, shkruan kryeministri në twitter.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.