Studimet në Universitet, MAS: Në total 32 268 kuota – Ja si do të bëhet ndarja në institucionet publike dhe jopublike. Numri i aplikantëve të regjistruar në raundin e parë
Ministria e Arsimit dhe Sportit publikon kuotat e lira për studentët brenda vendit, ku në total janë 32.268 kuota, nga të cilat në universitetet publike 22.897, ndërsa në universitetet jo publike 9.371 kuota. Ndërkohë për këtë vit akademik, sipas MAS numri i aplikantëve në raundin e parë është 25.822 maturantë.
Ministria e Arsimit dhe Sportit njofton të gjithë aplikantët që konkurrojnë në programe të ndryshme të studimeve në IAL, se sot në datën 23 gusht 2017, QSHA është duke i përcjellë të gjitha IAL-ve, në formë elektronike dhe zyrtarisht, për çdo program studimi të ofruar nga ana tyre:
-Listën e aplikantëve që kanë përzgjedhur programet e studimit;
-Notat e të gjitha viteve të shkollës së mesme;
-Rezultatet e provimeve të maturës shtetërore;
-Mesataren e të gjitha viteve të shkollës së mesme;
-Mesataren e provimeve të Maturës Shtetërore;
-Mesataren e përgjithshme të përllogaritur sipas VKM. Nr 346 datë 19.4.2017;
-Indekset e profileve të shkollave të mesme;
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.