Studimi: 4 llojet e gabimeve me paratë që pengojnë në rrugën e ndërtimit të pasurisë
Një studim 5 vjeçar me njerëz në skaje të kundërt të spektrit të pasurisë ka sjellë në zbulimin e modeleve të cilat çojnë në vendimet e këqija të marra në lidhje me paratë.
Në studim janë përfshirë njerëz me pasuri nga 35 mijë dollarë si të ardhura vjetore deri në 160 mijë dollarë.
Ja 4 gabimet më të shpeshta me paratë të cilat pengojnë në ndërtimin e pasurisë:
Përfshirja e egos në vendimet financiare
Vendimet financiare të drejtuara nga Ego-ja ju pengojnë të menaxhoni paratë që keni në mënyrë të kujdesshme. Disa nga shembujt specifikë të egos nga studimi përfshijnë blerjen e gjërave të shtrenjta, të destinuara për të krijuar perceptimin që ju do të dukeni më mirë financiarisht, sesa jeni në të vërtetë, dhe duke menduar se jeni më të zgjuar se sa jeni. Kjo lloj kategorie njerëzish gjithashtu nuk bën kërkime financiare dhe as nuk këshillohet me profesionistë. Ky lloj vendimi është i lidhur ngushtë me faktorë të jashtëm, duke i lënë ato të vendosin se çfarë të bëni me paratë tuaja.
Përfshirja e emocioneve
Vendimet e shpenzimeve që bazohen në emocionet e momentit pothuajse kurrë nuk shkojnë mirë. E njëjta vlen edhe për të bërë blerje të momentit, të cilat mund të lidhen me gabime të shpenzimeve të bazuara në emocione, por gjithashtu mund të shkaktohen nga lodhja e vendimeve. Për shembull, ju merrni një shpërblim të madh ose një ngritje të madhe rroge dhe në emocionet e momentit, e gjeni veten duke shitur makinën tuaj të vjetër dhe duke blerë një makinë luksoze krejt të re.
Rrëzimi i zgjedhjeve tuaja
Përmbysja e zgjedhjeve tuaja është skaji i kundërt i spektrit, i cili mund të çojë në gabime të dëmshme. Marrja e vendimeve nga padurimi është gjithashtu një veprim i keq. Për shembull, likuidimi i investimeve gjatë një rënie në treg mund të bazohet në frikë ose të nxitet nga mungesa e durimit. Bërja e ndonjë blerje madhore pa dashur të shpenzoni kohën gjithashtu çon në të njëjtën rrugë. Zgjidhjet e thjeshta janë zakonisht zgjidhjet e sakta. Kërkimi i zgjidhjeve më të ndërlikuara çon në kaos.
Marrja e vendimeve nga frika ose stresi
Asnjëherë mos merrni vendime në lidhje me paratë nga frika ose stresi. Studimet kanë treguar se stresi zvogëlon IQ tuaj me 13%. Raste të shumta të vendimmarrjes nga stresi i tepërt kanë përfunduar në huamarrje apo kredi. Marrja e kësi lloj vendimesh mund të kthehet në zakon dhe mund të t’ju dëmtojë financiarisht nëse nuk keni aftësi të mjaftueshme për të dalë nga situata.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.