Studimi/ A e ka shkaktuar njeriu këtë verë të nxehtë?

Vetëm pak javë pas një vale të nxehtë rekord në qershor, temperaturat e nxehta janë rikthyer në Evropë. Java ishte gjithashtu shumë e nxehtë disa ditë më parë në SHBA. A është fajtor ndryshimi klimatik i shkaktuar nga njeriu?

Kjo është pyetja e gabuar, sipas studimit të Akademisë Kombëtare të Shkencës, Inxhinierisë dhe Mjekësisë të vitit 2016 mbi “Atribuimin e Ngjarjeve dhe Moti në Mjedisin në Kontekstin e Ndryshimeve Klimatike”. Përgjigja për një pyetje të tillë zakonisht nuk mund të sigurohet në kuptimin determinist, prandaj është më mirë të pyesësh: A janë ndryshimet e tilla klimaterike të ndikuara apo jo nga ngrohja globale?

Në rastin e valës së ngrohtë që kaploi Evropën në qershor përgjigja është: po, me shumë mundësi! Një analizë 32-faqesh nga 14 shkencëtarë të lidhur me projektin e Atributit Botëror të Motit, i përfunduar në bazë të modeleve të klimës dhe të dhënave të temperaturës, tregon se java të tilla kaq të nxehta janë pesëfishuar që pas Revolucionit të Parë Industrial.

Në një pjesë të vogël të artikujve të kohëve të fundit në “Ngjarjet Shpjeguese Ekstreme nga një Perspektivë Klimatike”, botim i veçantë i Buletinit të Shoqërisë Amerikane Meteorologjike, studiuesit kanë qenë të gatshëm të konkludojnë plotësisht se ngjarjet specifike të motit nuk mund të kishin ndodhur, pa efektin që njeriu ka pasur mbi ngrohjen globale.

Burimi: Bloomberg

DOSTI BANUSHI – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.