Studimi amerikan: Sobat me gaz po rrjedhin vazhdimisht metan në shtëpitë tona!
Sobat me gaz po kontribuojnë më shumë në ngrohjen globale sesa mendohej më parë për shkak të rrjedhjeve të vogla të vazhdueshme të metanit ndërsa ato janë të fikura, sipas një studimi të ri në SHBA.
I njëjti studim që testoi emetimet e sobave në shtëpitë tona, ngriti shqetësime të reja për cilësinë dhe shëndetin e ajrit të brendshëm për shkak të niveleve të matura të oksidit të azotit.
Edhe kur ato nuk funksionojnë, sobat me gaz në SHBA hedhin 2.4 milionë tonë metan – në njësi ekuivalente të dioksidit të karbonit – në ajër çdo vit. Hulumtimi u krye në Kaliforni dhe u botua në revistën Environmental Science & Technology.
Kjo është e barabartë me sasinë vjetore të gazeve serrë nga 500 mijë makina ose atë që Shtetet e Bashkuara hedhin në ajër çdo tre orë e gjysmë.
Kjo sasi metani është në krye të 6.2 milionë tonëve dioksid karboni që sobat me gaz lëshojnë në ajër kur ato janë në përdorim dhe gazi digjet, thotë studimi. Metani është një gaz serrë që është dhjetëra herë më i fuqishëm se dioksidi i karbonit, por nuk qëndron në atmosferë pothuajse aq gjatë dhe nuk është aq i bollshëm në ajër.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.