Studimi / Borxhi i korporatave do të rritet në mënyrë ‘marramendëse’ këtë vit, me 1 trilion dollarë
Kompanitë në mbarë botën do të marrin deri në 1 trilion dollarë borxh të ri në vitin 2020, pasi përpiqen të mbështesin financat e tyre kundër koronavirusit, ka vlerësuar një studim i ri.
Kjo rritje e paparë do të çojë borxhin e përgjithshëm global të korporatave me 12% në rreth 9.3 trilion dollarë.
Vitin e kaluar gjithashtu pati një rritje të mprehtë prej 8%, e nxitur nga bashkimet dhe blerjet, dhe nga firmat që huazuan financimin e blerjeve të aksioneve dhe dividentëve. Por kërcimi i këtij viti do të jetë për një arsye krejtësisht të ndryshme – prej pandemisë.
“COVID ka ndryshuar gjithçka,” tha Seth Meyer, një menaxher portofoli në Janus Henderson, firma që përpiloi analizën. “Tani bëhet fjalë për ruajtjen e kapitalit dhe ndërtimin e një bilanci të fortifikuar”.
Kompanitë amerikane i detyrohen gati gjysmës së borxhit të korporatave në botë në 3.9 trilion dollarë dhe kanë parë rritjen më të shpejtë në pesë vitet e fundit të çdo ekonomie të madhe.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.