Studimi britanik / 80% e njerëzve të infektuar nuk kanë asnjë simptomë – A duhet zgjeruar testimi?

Më shumë se 80% e njerëzve që dolën pozitivë me koronavirus nuk kishin asnjë nga simptomat kryesore të sëmundjes ditën që bënë testin, thonë shkencëtarët në një sondazh kombëtar në Britani për simptomat e Covid.

Gjetja ka nxitur frikën se shpërthimet e ardhshme të Covid-19 do të jenë të vështira për t’u kontrolluar pa teste më të përhapura në komunitete, veçanërisht në universitete dhe vendet e punës me rrezik të lartë siç janë objektet e përpunimit të mishit.

Studiuesit në UCL thanë se 86.1% e njerëzve të infektuar të marrë nga sondazhi i Zyrës për Statistikat Kombëtare Covid-19 midis Prillit dhe Qershorit nuk kishin asnjë nga simptomat kryesore të sëmundjes, kollë, ose ethe, ose humbje të shijes ose aromës.

Tre të katërtat të cilët rezultuan pozitivë nuk kishin aspak simptoma të dukshme, shkencëtarët zbuluan kur kontrolluan nëse njerëzit raportonin simptoma të tjera si lodhja dhe marrja e frymës në ditën e testimit.

Studimi, i raportuar në Epidemiologjinë Klinike, analizoi simptomat e përshkruara nga më shumë se 36,000 njerëz që u testuan midis prillit dhe qershorit. Vetëm 115 teste u kthyen pozitive dhe nga ata vetëm 27 persona, ose 23.5%, kishin simptoma.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.