Studimi i Dhjetorit 2019: Cilat janë 10 aeroportet më të përfshira në transmetimin e pandemive!

Studimi i realizuar më parë nga Shoqëria Amerikane për Mikrobiologji vlerësoi se vetëm 70% e njerëzve që përdorin një tualet aeroporti i lajnë duart para se të largohen nga banja. Sikur të mos mjaftonte kjo, vetëm gjysma e tyre e bëjnë atë si duhet: të tjerët janë të kënaqur me një shpëlarje të shpejtë me ujë. Përmirësimi i higjienës së duarve midis udhëtarëve ajror mund të trefishojë përqindjen e njerëzve me duar të pastra në aeroport, duke e çuar atë në 60%: për studiuesit, kjo do të ngadalësonte transmetimin global të sëmundjeve infektive me 70%.

Të mendosh për ta bërë këtë në të gjitha aeroportet është një qëllim krejtësisht jorealist. Sidoqoftë, përqendrimi në 10 aeroportet më të rëndësishme për përhapjen e mundshme të një infeksioni (për pozicionin e tyre dhe për qytetet me të cilët janë lidhur), do të lejonte arritjen në një rezultat tashmë shumë pozitiv: intensifikimi i zakonit të larjes së duarve në këto vende specifike do të zvogëlojë infeksionin me 37%.

Ekipi identifikoi 120 aeroportet që kontribuojnë më shumë në përhapjen e patogjenëve, të cilat nuk janë domosdoshmërish më të mbushurat me njerëz. Lista përfshin, për shembull, ato të Tokios (Narita) dhe Honolulu, të cilat pavarësisht se janë 46-ta dhe 117-të përkatësisht për trafikun total, kontribuojnë ndjeshëm në përhapjen e sëmundjeve infektive sepse ato ndajnë tre karakteristika: ata kanë lidhje direkte me qendrat më të mëdha të aeroportit në botë; ato kryejnë fluturime ndërkombëtare gjatë transportit; dhe janë të vendosura në zonat gjeografike të lidhjes midis Lindjes dhe Perëndimit.

Identifikimi i 10 aeroporteve më të përfshirë në transmetimin hipotetik të një sëmundje infektive, dhe përqendrimin e fushatave informuese atje për rëndësinë e larjes së duarve (përmes pankartave, njoftimeve për pasagjerët, përhapjen e lavamanëve edhe jashtë banjave) do të vepronte si një frenë në përparimin e epidemive. Studimi i plotë mund të klikoni këtu!

Lista e 10 aeroporteve më të përfshira:

1. Londra
2. Los Angeles
3. Sidnej
4. Paris
5. Tokio
6. Seul
7. Hong Kong
8. Dubai
9. San Francisko
10. Frankfurt

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.