Studimi i Harvard tregon se si përdorimi i duhur i parave eleminon stresin nga detyrat dhe liron kohën tuaj

Sipas profesoreshës të Shkollës së Biznesit në Harvard, Ashley Whillans, ne nuk po bëjmë një gjë që mund të na lejojë më shumë kohë e cila është shpenzimi i parave për të eleminuar detyrat tona më stresuese ditore ose javore.

Shkëmbimi i parave për më shumë kohë të lirë mund të na bëjë më të lumtur. Në mënyrë të veçantë, “përdorimi i parave për të shpëtuar veten nga përvojat negative”, si larja apo palosja e rrobave ose pastrimi i shtëpisë.

Për Whillans, zgjedhja e saj për një apartament më të kushtueshëm afër punës, ku gjithçka është në këmbë dhe nuk ka asnjë udhëtim të lodhshëm tregon se “blerja e kohës” në këtë mënyrë çon në lumturi më të madhe dhe më pak stres. Por shpesh, diçka na mban larg.

Pagimi i dikujt për të bërë punë të ndryshme shtëpiakë dhe jo vetëm na bën të ndjehemi si një barrë, tha ajo. Ne gjithashtu ndjehemi sikur u tregon të tjerëve që nuk jemi të aftë të bëjmë punët tona.

Mënyra më e mirë për t’iu kundërvënë atyre ndjenjave të fajit, tha Whillans, është që të përqendroheni në vlerën që po fitoni. Çelësi për të siguruar që koha e lirë të çon në lumturi më të madhe është ta bësh atë kuptimplotë, tha ajo.

“Vetëm akti i thjeshtë i të menduarit për të hequr dorë nga paratë për të pasur më shumë kohë të lirë duket se i bën njerëzit të planifikojnë kohën e tyre pak më mirë. Kurdoherë që hapim portofolin tonë, argumenton ajo, ne duhet të pyesim veten “A po ndryshojnë këto para mënyrën se si e kaloj kohën time?”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.