Studimi i ‘McKinsey’: Kur do të përfundojë makthi i Covid-19?! 6 gjëra kryesore që duhet të dini
Një raport i një shoqërie konsulence na kujton se cilat janë betejat që duhen fituar në muajt e ardhshëm për të mundur përfundimisht Covid-19.
Kur do të përfundojë ky makth?
Sa duhet të presim akoma para se të kthehemi në një jetë krejtësisht normale, si ajo e para shkurtit të vitit 2020?
Ilsole24ore ka publikuar rezultatet e raportit kërkimor të ‘McKinsey’ me titulin “Kur do të përfudnojë pandemia e Covid-19”.
Por cilat janë pikat kryesore të raportit :
1-Fundi i epidemisë dhe i imuniteti i tufës
Nga pikëpamja epidemiologjike, një pandemi përfundon kur arrihet ai që është emërtuar si ‘imuniteti i tufës’. Ose me mirë, kur pjesa me e madhe e popullsisë botërore ka krijuar imunitet sa të evitohet përhapja në shkallë të gjerë e virusit. Objektivi i imunitetit të tufës mund të arrihet në disa mënyra, një prej të cilave është edhe një vaksinë efikase që shpërndahet në shkallë të gjerë.
2-Rënia e vdekshmërisë
Është megjithatë një moment (me shumë gjasa para arritjes së imuniteit të tufës) në të cilin mund të flitet për normalitet: Kur thuajse të gjithë aspektet e jetës ekonomike dhe sociale të një vendi mund të rinisin pa pasur rrezikun që të rritet vdekshmëria. Një objektiv që në rastin e koronavirusit, mund të arrihet me vaksinimin e fashave më të dobëta të shoqërisë, me rritjen e cilësisë dhe sasisë së testeve dhe me përmirësimin e terapive shëruese.
Raporti i ‘McKinsey’ nënvizon se në këtë rast të dytë “normaliteti i ri” nuk është i destinuar që të jetë si ai që njihnim para virusit, por që gradualisht mund ta na çojë duke udhëtuar në avionë, të rimbushim restorantet dhe të vendosemi në radhë nëpër supermarkete etj.
3-Dy rrugëtime të lidhura por jo në mënyrë lineare
Studimi evidenton se si dy rrugëtimet, imuniteti i tufës dhe rënia e vdekshmërisë si efikasitet i përgjigjes shëndetësore, janë të nderlidhura, por jo në mënyrë lineare. Fundi i epidemisë përputhet gjithsesi me imunitetin e tufës, por rikthimi në normalitet mund të përshpejtohet në ato vende që do të jenë të afta që të luftojnë virusin në mënyrë efikase nga pikëpamja shëndetësore: me vaksinim që synojnë të moshuarit, testime dhe gjurmime më të mira, terapi të reja më shumë efikase.
4-Imuniteti natyror
Për t’i paraprirëë vaksinës, raporti vlerëson se në nivel global janë 90-300 milionë individë që mund të jenë imunë nga virusi; kjo thjesht për faktin se kanë imunitet natyror si rrjedhojë e faktit se trupi i tyre mund të jetë përballur edhe me koronaviruse të mëparshme apo me faktin se janë vaksinuar për sëmundje të tjera të mëparshme.
5-Mbërritja e vaksinës
Vaksina meriton një diskutim të veçantë, sepse mund të përbëjë çelësin për të arritur në një kohë të shkurtër në imunitetin e tufës. Sa e shkurtër mund të jetë kjo kohë?
Vlerësimi kryesor i McKinsey është që imuniteti i tufës arrihet në gjysmën e dytë të vitit 2021, edhe pse kjo mund të zgjasë edhe në mesin e parë të vitit 2020. Variablat e panjohura në lojë janë shumë: në fakt nuk e dijmë se cila do të jetë grada e efikasitetit të vaksinës, nëse prodhimi dhe shpërndarja do të jenë të shpejta dhe eficente dhe se cila do të jetë përqindja e atyre që do të refuzojnë të marrin vaksinën.
Nga nisja e shpërndarjes së vaksinës në fashat më delikate, McKinsey llogarit se do të jenë të nevojshme së paku 6 muaj për të arritur imunitetin e tufës. Por mund të duhet edhe më shumë kohë nëse do të lindin probleme që lidhen me sigurinë e vaksinës,.
Raporti, për fat të keq, nuk e përjashton mundësinë që fundi epidemiologjik i Covid-19 të vijë vetëm në 2023, edhe në vendet e zhvilluara që kanë sistem shëndetësor të avancuar. Në botën e tretë ose mes popullataveqë refuzojnë vaksinën është e mundur që ‘xhepa Covid-i” të mbeten shumë më gjatë, duke u kthyer potencialisht në endemike.
6-Covid do të jetë mes nesh por pa na frikësuar më
Në botën perëndimore shpejt ose vonë do të mbërrijë dita kur Covid-19 nuk do të na frikësojë më. Edhe nese do të qendrojë mes nesh më gjatë, me shumë gjasa duke pësuar mutacion sikurse ka ndodhur me gripin spanjoll që ishte një koronavirus që shekullin e kaluar vrau 50-100 milionë persona në dy vite.
Po ashtu, edhe sëmundje të tjera të shekullit të kaluar vijojnë të vrasin edhe sot. Mjafton të kujtojmë faktin se malarja, tuberkulozi e lebra vijojnë të vrasin ende sot. Për Ebolan që është shfaqur në vitin 1973, vetëm në vitin e kaluar u arrit të zbulohej vaksina , thuajse gjysëm shekulli në vonë.
Për Hiv/Aids, të evidentuar që në fillim të viteve ’80 nuk ekziston ende asnjë vaksinë.
Por për Covid-19 sforcot e kërkimit botëror kanë qenë më të mëdha se asnjëherë në të shkuarën, dhe motivet për të qenë optimistë nuk mungojnë…
Burimi: Ilsole24ore/Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.