Studimi: Kompanitë e vaksinave Pfizer-BioNTech-Moderna fitojnë 1’000 dollarë në sekondë!

Pfizer, BioNTech dhe Moderna po bëjnë një fitim të kombinuar prej 65,000 dollarë në minutë nga vaksinat e tyre Covid-19, sipas një studimi nga Aleanca e Vaksinave Popullore, e cila bën fushatë për shpërndarje më të mirë të vaksinave në të gjithë botën.

Të tre grupet farmaceutike i grumbulluan këto para duke shitur shumicën dërrmuese të dozave të tyre në vendet e pasura, në kurriz të vendeve më pak të zhvilluara që mbeten të vaksinuara shumë dobët, shpreh keqardhjen shoqata.

Sipas përllogaritjeve të saja, bazuar në rezultatet e publikuara nga këto kompani, treshja do të ketë një fitim para taksave prej 34 miliardë dollarësh këtë vit, ose më shumë se një mijë dollarë në sekondë, 65 mijë në minutë ose 93.5 milionë në ditë.

Pfizer, BioNTech dhe Moderna dallohen kështu nga AstraZeneca dhe Johnson & Johnson, të cilët aktualisht i shesin vaksinat e tyre me çmime të kostos.

“Është e pahijshme që disa kompani po futin në xhepa miliona dollarë fitime çdo orë, kur vetëm 2% e njerëzve në vendet me të ardhura të ulëta janë vaksinuar plotësisht kundër koronavirusit,” u ankua Maaza Seyoum nga dega afrikane e Vaksinave Popullore dhe Aleancës Afrikane.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.