Studimi me një paralajmërim pesimist: Në Itali heqja e karantinimit mund të shkaktojë 18 mijë vdekje

Një raport i ri ka paralajmëruar se lirimi i karantinimit në Itali mund të çojë në një valë të dytë të pandemisë, çka do të shkaktojë deri në 18,000 vdekje të reja koronavirus.

Raporti nga Imperial College London, erdhi në të njëjtën ditë kur Italia hyri në planin e saj të hapjes: “Faza 2”, që lehtëson kufizimet që ishin krijuar që nga 10 marsi.

Në raport, studiuesit thanë që edhe një rritje e pjesshme e lëvizshmërisë në Itali mund të shkaktojë një valë të dytë vdekjesh brenda tetë javësh.

Studiuesit modeluan skenarë ku lëvizshmëria u rrit me 20%, 40%, ose aspak. Ata përcaktuan sasinë e këtyre përqindjeve duke rritur shkallën e vizitave në vendet si stacionet e transportit publik, dyqanet, vendet e punës dhe ambientet e rekreacionit.

Sipas skenarit 20%, studiuesit vlerësuan se numri i përgjithshëm i vdekjeve të shkonte midis 3,000 dhe 5,000, dhe nën skenarin 40% numri i përgjithshëm i vdekjeve do të ishte midis 10,000 dhe 23,000.

Sidoqoftë, studimi vuri në dukje se ky ishte një vlerësim “pesimist” pasi nuk parashikon faktor në masa të tilla si distanca sociale, testimi, gjurmimi i kontaktit ose izolimi i personave të infektuar, masa këto që frenojnë përhapjen e pandemisë.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.