Studimi: Nëse flini shumë gjumë mund të prekeni nga një sërë sëmundjesh
Sasia e rekomanduar e gjumit për të rriturit është gjashtë deri në tetë orë në natë. Sipas një studimi të botuar ditën e mërkurë në journal European Heart, nëse flini më shumë se tetë orë mund të jeni më të prekur ndaj sëmundjeve kardiovaskulare dhe në një shkallë rritjeje të vdekjeve.
Duke parë të dhënat nga 21 shtete, në shtatë rajone, ekipi hulumtues zbuloi se njerëzit që flinin më shumë se kufiri i sipërm i rekomanduar prej tetë orësh rrit rrezikun e ngjarjeve të mëdha kardiovaskulare, siç mund të jenë goditjet në tru, ataku kardiak si dhe vdekjet, duke e çuar numrin në 41%.
Duke iu referuar këtij arsyetimi, njerëzit të cilët flenë më gjatë janë më të prekur ndaj sëmundjeve kardiovaskulare apo vdekshmërisë, shpjegojnë autorët e studimit për CNN. Ekipi, i udhëhequr nga Chuangshi Wang, Ph.D. student në McMaster dhe Pekin Union Medical College në Kinë, gjithashtu identifikuan një rrezik në rritje gjatë ditës nëse flini pak orë gjumë.
Studimet e mëparshme për këtë temë u kryen kryesisht në Amerikën e Veriut, Evropë dhe Japoni. Studimi i ri sjell një pamje globale. “Megjithëse zbulimet ishin shumë interesante, ato nuk provojnë shkakun dhe efektin”, tha Julie Ward, një infermiere e lartë kardiake në Fondacionin e Zemrës Britanike, i cili nuk ishte e përfshirë në studim.
Duke pasur më pak gjumë – nën gjashtë orë – u tregua se këto rreziqe u rritën me 9%, krahasuar me njerëzit që flinin për gjashtë deri në tetë orë të rekomanduara, por ky zbulim nuk konsiderohej statistikisht e rëndësishme nga ekipi.
Në vitin 2014, 35.2% e të rriturve amerikanë raportojnë se nuk po flenë sa duhet me më pak se shtatë orë në natë, sipas CDC. Studimi iu referua 116.632 të rritur të moshës 35 dhe 70 vjeç nga 21 vende rreth zakoneve të tyre të gjumit.
Ekipi zbuloi se për çdo 1.000 njerëz që flinin gjashtë deri në tetë orë në natë, 7.8 përqind u prekën çdo vit nga sëmundjet kardiovaskulare dhe vdekshmërisë. Kjo u rrit në 9.4 përqind tek njerëzit të cilët flinin gjashtë ose më pak orë në natë.
Francesco Cappuccio, profesor i mjekësisë kardiovaskulare dhe epidemiologjisë në Universitetin Warwick, i cili nuk ishte përfshirë në këtë studim, ka bërë disa studime mbi gjumin dhe efektin e saj në shëndetin tonë. Ai thotë se mungesa e gjumit është “patjetër e lidhur me një rrezik në rritje të vdekjeve”
“Nëse flini pak për një kohë të gjatë, ju jeni më të prirur për të zhvilluar sëmundje kronike,” tha Cappuccio, duke shtuar se kohëzgjatja e shkurtër e gjumit është provuar të rrisë presionin e lartë të gjakut, obezitetin dhe diabetin.
Por Wang theksoi se gjumi i tepërt mund të jetë një shënues për shkaqet e tjera të sëmundjeve kardiovaskulare dhe vdekjeve. Cappuccio argumentoi se “nuk është se gjumi i gjatë shkakton vdekje ose një sërë sëmundjesh”, por këto sëmundje do t’ju bëjnë të flini më shumë.
Cappuccio përmendi se njerëzit që kanë një sëmundje të pazbuluar mund të vuajnë nga pagjumësia. Nëse dikush është i sëmurë me kancer, për shembull, ata do të jenë më të lodhur dhe kjo do t’i bëjë që të flenë më gjatë.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.