Studimi për sektorin e shërbimeve të nënkontraktuara – Shqipëria, potencial për t’u kthyer në destinacion “outsource”
Një studim me titull: “Udhërrëfyes për promovimin e integruar të investimeve në sektorin e BPO në Shqipëri” ka trajtuar problemet dhe avantazhet në tregun e punës për këtë sektor.
Studimi i realizuar nga AVASANT dhe i prezantuar në mbledhjen e Këshillit të Investimeve tregon se Shqipëria ka potencial të jashtëzakonshëm në sektorin e shërbimeve të nënkontraktuara.
Hartuesit e këtij raporti, z. Gurmeet Chopra dhe z. Chirag Rawat tregojnë se tashmë ka shumë interes nga kompanitë ndërkombëtare për këtë shërbim që mund të ofrojë vendi ynë.
“Jemi progresivisht dhe agresivisht duke targetuar klientët tanë, që ta shohin Shqipërinë si një destinacion për të ardhmen. Që të kenë edhe ata prezencën e tyre këtu, të kenë suportin e tyre, duke përfituar nga avantazhet që Shqipëria ofron”, u shpreh zoti Chopra.
Ndërsa zoti Rawat duke treguar për interesin, thotë se puna duhet të vazhdojë.
“Një diçka e mirë është se ka shumë kompani ndërkombëtare që pëlqejnë atë çfarë Shqipëria propozon. Nuk mund t’ua përmend emrat, por shumë kompani ndërkombëtare nga SHBA, Europa janë shumë të interesuara në propozimin që ofron Shqipëria. Pra, si përfundim mund të them se është një fillim i mbarë, por puna duhet të vazhdojë edhe për disa vjet, nëse Shqipëria do që të listohet si destinacion i ri”.
Avantazhet e Shqipërisë, sipas studimit:
- Ka aftësi të shkëlqyera gjuhësore në italisht dhe anglisht dhe mund të fokusohet në eksportimin e shërbimeve BPO tek vendet e tjera si Gjermania, Franca dhe Mbretëria e Bashkuar.
- Vendi ka talente në financë dhe kontabilitet, dhe mund të fokusohet në eksportimin e më shumë proceseve transaksionale, të tilla si Financë & Kontabilitet.
- Vendi ka potenciale për sa i përket eksportit në proceset dixhitale të tilla si teknologjitë block-chain.
Avasant është një firmë konsultimi prestigjioze e specializuar në fushën e transformimit dixhital dhe IT, këshilluese për sourcing dhe strategjitë globale.
Më poshtë është intervista e dy përfaqësuesve të kompanisë.
z. Gurmeet Chopra
I gjithë diskutimi nisi para një viti kur po diskutonim ofertën e Shqipërisë dhe se si mund të mbështesnim Shoqatën Shqiptare Outsourcing të zhvillonin planin si do të funksiononin. Ky ishte workshop-i ynë i parë këtu. Pas kësaj unë dhe Chirag erdhëm këtu herën e dytë për të kuptuar në detaje ofertën e Shqipërisë, aftësitë kyçe që kanë njerëzit dhe sasinë në të cilën kjo cilësi ofrohej.
z. Chirag Rawat
Kur erdhëm këtu u habitëm, kur zbuluam se sa shumë potencial ka në vend. Kemi përfshirë në projekt disa mijë veta tashmë dhe shpresojmë ta dyfishojmë këtë numër në vitet e ardhshme. Një gjë e mirë tek industria e Procesit të Outsourcing të Biznesit është se industria e kupton se duhet të shkojë në një marrëdhënie jolineare. Dhe kjo ka qenë një tjetër pikë ku jemi fokusuar. Kemi punuar në shumë aspekte, një prej tyre është promovimi i investimeve. Kemi një delegacion që do të shkojë në Gjermani javën tjetër, ndërsa vitin e shkuar ishim në Bergea. Gjithashtu kemi rekomanduar incentivët për industrinë dhe gjithashtu kemi punuar për të përcaktuar ofertën e vendit si dhe pjesët kryesore të biznesit. Pra mund të themi se është një fillim i mbarë. Por shpresojmë që të vazhdojmë me këtë ritëm edhe në vitet që vijnë, atëherë do të ketë një impakt.
z. Gurmeet Chopra
Kur erdhëm këtu, nuk kishim asnjë lloj informacioni, asnjë informacion për vendin. E dinim thjesht ku ndodhej vendi, por nuk e dinim se si ishte industria e Call Center-ave apo BOP. Gjatë këtij viti na u hapën sytë. Jemi progresivisht dhe agresivisht jemi duke targetuar klientët tanë, që ta shohin Shqipërinë si një destinacion për të ardhmen. Që të kenë edhe ata prezencën e tyre këtu, të kenë suportin e tyre, duke përfituar nga avantazhet që Shqipëria ofron.
z. Chirag Rawat
Një diçka e mirë është se ka shumë kompani ndërkombëtare që pëlqejnë atë çfarë Shqipëria propozon. Nuk mund t’ua përmend emrat, por shumë kompani ndërkombëtare nga SHBA, Europa janë shumë të interesuara në propozimin që ofron Shqipëria. Pra, si përfundim mund të them se është një fillim i mbarë, por puna duhet të vazhdojë edhe për disa vjet, nëse Shqipëria do që të listohet si destinacion i ri.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.