Studimi/ Pse çiftet marrin “hijen” e njëri – tjetrit pas shumë vitesh bashkë?
Një pyetje shumë vjeçare nëse çiftet në marrëdhënie afatgjata ngjasojnë me njëri – tjetrin me kalimin e kohës, ka marrë përgjigje nga studiuesit.
Në 1987, studiuesit sugjeruan që fytyrat e bashkëshortëve nuk ishin të ngjashme në fillim të martesës, por u bënë më të ngjashme, me “shkallën e konvergjencës të lidhur pozitivisht me vlerësimet e çifteve për cilësinë e martesës”.
Sipas hipotezës së studiuesve, çiftet priren të fillojnë të duken njësoj sepse ata zakonisht “frekuentojnë të njëjtat mjedise, përfshihen në të njëjtat aktivitete, hanë të njëjtin ushqim dhe imitojnë shprehjet emocionale të njëri -tjetrit”, të gjitha këto mund të ndikojnë në tiparet e fytyrës.
Sidoqoftë, një studim i fundit nga studiuesit në Universitetin Stanford zbuloi se në të vërtetë nuk ka prova që çiftet të ngjajnë më shumë me kalimin e kohës.
Për të testuar teorinë, studiuesit përpiluan një bazë të dhënash me 517 çifte, të marra brenda dy vitesh nga martesa dhe midis 20 dhe 69 vjet më vonë.
Vullnetarëve iu kërkua të rendisnin fotografitë sipas ngjashmërisë me individin e synuar, me studiuesit që kryenin të njëjtin eksperiment duke përdorur softuer për njohjen e fytyrës.
Sipas studimit, i cili u botua në Raportet Shkencore, studiuesit “nuk gjetën prova për konvergjencën në hipotezën e pamjes fizike: Fytyrat e bashkëshortëve nuk u bënë më të ngjashme me kalimin e kohës.”
“Fytyrat e bashkëshortëve priren të jenë të ngjashme, por nuk u bënë më të ngjashme me kalimin e kohës, pavarësisht nga hapësira kohore midis grupit të parë dhe të dytë të fotografive,” shkruan ata, duke vënë në dukje se njerëzit mund të kërkojnë partnerë që janë të ngjashëm në pamje, ashtu si ata kërkojnë partnerë me vlera të ngjashme.
Burimi origjinal: Indipendent
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.