Suedia “injorohet” nga vendet fqinje / Strategjia anti-Covid e bën të pamundur hapjen e kufijve
Ndërsa vendet evropiane vazhdojnë të heqin kufijtë e tyre, Suedia po përjashtohet nga të tre fqinjët e saj.
Danimarka, Norvegjia dhe Finlanda kanë hapur të gjitha këtë javë kufijtë, sidoqoftë, pavarësisht se Suedia është në mes të katër kombeve nordike, ajo nuk është përfshirë në marrëveshje për shkak të luftës së saj të vazhdueshme me pandeminë koronavirus.
Suedia, e cila ka raportuar më shumë se 51,000 raste në total, nuk ka imponuar karantinim për popullsinë e saj.
Finlanda posaçërisht përmendi shkallën e lartë të infeksioneve kur përjashtoi Suedinë nga marrëveshja e saj me Norvegjinë, Danimarkën dhe vendet e tjera përreth Detit Baltik. Ministrja e Brendshme finlandeze Maria Ohisalo tha: “Fatkeqësisht situata epidemike në Suedi është aq e keqe sa ne ende nuk jemi në gjendje të heqim kufizimet për Suedinë”. Ajo tha se Finlanda do të përfundojë kufizimet e saj ndaj Suedisë sa më shpejt të jetë e mundur.
Në fillimin e qershorit, Suedia kishte një nga numrat më të lartë të vdekjeve COVID-19 në botë në proporcion me popullsinë, me 4,874 vdekje të raportuara deri më tani. Arkitekti i planit suedez anti-Covid, Anders Tegnell, pranoi në 3 qershor se nëse ai të kishte ditur më shumë rreth sëmundjes, do të kishte propozuar masa më të rrepta.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.