Suplemente të skaduara dhe të pasigurta për konsum – AKU asgjëson rreth 850 kuti me shtesa ushqimore
AKU bën me dije se ushtroi 181 kontrolle zyrtare dhe monitorime në të gjithë vendin në: fabrika vaji, magazina ushqimore, përpunim qumështi, pastiçeri, baxho, përpunim peshku, kategori e veçantë, furrë buke, stabiliment përpunimi këmbë bretkose, etj.
Sipas njoftimit gjatë kontrolleve zyrtare sot janë dhënë 40 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe 1 gjobë për mungesë etiketimi në gjuhën shqipe.
AKU informon se gjithashtu janë bllokuar 847 kuti shtesa ushqimore (suplemente) për tejkalim afati përdorimi me qëllim asgjësimin e tyre ndërsa referuar Planit Vjetor të Marrjes së Mostrave me bazë risku janë marrë 41 mostra produktesh për analizim të treguesve fiziko-kimikë, mikrobiologjikë, kryesisht në produkte me origjinë shtazore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.