Synimi i Bezos për hapësirën! Kanalizon para’ dhe inxhinierë te Blue Origin, përshpejtohet gara
Themeluesi i Amazon, Jeff Bezos, po përpiqet të nxisë kompaninë e tij private të fluturimit në hapësirë drejt prodhimit, ndërkohë që anija e parë kozmike që pritej të nisej në 2020-ën, mund të shtyhet. Blue Origin ka shtuar qindra inxhinierë në staf në 3 vitet e fundit dhe vazhdon të zgjerohet.
Kompania po përpiqet të dyfishojë fuqinë punëtore në rreth 3,000 punonjës në vitet e ardhshme. Ky përshpejtim i planeve përqendrohet në raketën e re të quajtur New Glenn. Raketa, që Bezos ka premtuar se do të ketë kapacitet që të dërgojë satelitë dhe me kalimin e kohës edhe njerëz në orbitë, është prioritet i kompanisë për të fituar kontrata fitimprurëse ushtarake dhe tregtare. Pajisja fillestare e nisjes së raketës do të jetë e ripërdorueshme, që është një prioritet i strategjisë së Bezos për të ulur kostot dhe rritur frekuencën e fluturimeve.
Ekzekutivët e Blue Origin kanë thënë në publik se fluturimet provë do të nisin brenda 2 viteve. Ndërkohë që afati i 2020-ës po afrohet, inxhinierët e kompanisë po përballen ende me detajet përfundimtare të projektimit të New Glenn dhe sapo kanë nisur të ndërtojnë komponentë që duhet të jenë subjekt i provave të shumta.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.