Takimi i Bankës së Anglisë – Vendimi për tkurrjen monetare pritet të rrisë paundin

Paundi britanik pritet të ketë luhatje këtë javë, ndërkohë që Banka e Anglisë përgatitet të rrisë normën e interesit për të parën herë në një dekadë dhe nëse  Guvenatori Mark Carney sinjalizon ndërhyrje të tjera në të ardhmen.

Pritshmëritë e tregjeve tregojnë se shanset për rritjen e normës së interesit ditën e Enjte qëndrojnë në 90%, për shkak se vetë institucioni deklaroi gjatë Shtatorit se inflacioni i lartë dhe rritja ekonomike e fortë mund të sjellë një heqje të akomodimit monetar.  Sipas analistëve, ndërhyrja e nesërme është e pritshme, megjithatë, lajmërimi për vazhdimin e cillit monetar do të sjellë vlerësimin e paundit.

Tregjet presin vetëm një rritje për vitin 2018, por nëse inflacioni qëndron sipër objektivit të bankës prej 2% dhe ekonomitë familjare vazhdojnë të marrin më shumë hua se sa kursejnë, Banka e Anglisë do të tkurrë politikat monetare më një ritëm më të shpejtë. Analistët thonë se një serë rritjes të normës së interesit do të ishin të përshtatshme duke parë rritjen e qëndrueshme të Produktit të Brendshëm Bruto, inflacionit sipër objektivit dhe punësimit të plotë.

Nga ana tjetër, analistët e bankës JPMorgan argumentojnë se Banka e Anglisë nuk do të ndjekë politika monetare agresive për shkak të kushteve ekonomike, si rritja e ngadaltë e pagave.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.