Takimi i liderëve të BE – Diskutojnë propozimet për integrimin më të thellë të Eurozonës

Komisioni Europian dha këtë javë propozime për integrim më të thellë të Eurozonës në përpjekje për të mbështetur bllokun, në një kohë të rritjes së humorin anti-euro dhe ndërsa Britania del nga Bashkimi Europian.

Megjithatë, planet për të thelluar bashkëpunimin mes 19 vendet e Eurozonës kanë shkaktuar tensione te 8 vendet e tjera që nuk ndajnë valutën, prej shqetësimeve se do të kenë më pak autoritet dhe financim në të ardhmen.

Për të larguar këto shqetësime, KE theksoi se propozimet janë të hapura për të gjithë anëtarët e BE, edhe pse kjo përplaset me idetë e disa liderëve europianë, përfshirë presidentin francez Emmanuel Macron.

Komisioni propozoi dhënien e incentivave në financim për vendet që ndërmarrin reforma strukturore dhe financim të veçantë për ekonomitë që nuk ndajnë euron, për t’u përgatitur që ta adaptojnë valutën.

Komisioni mbështeti idenë e caktimit të një “buxheti për eurozonën”, për të mbrojtur vendet gjatë periudhave të vështirësive. Paraja për këtë fond do të vijë nga buxheti i BE, kontributet vullnetare nga qeveritë dhe kredive nga fondi i shpëtimit të eurozonës me garanci nga buxheti i BE.

Në vend të një ministri financash për Eurozonën, Komisioni bëri thirrje për një ministër të Ekonomisë dhe Financave për të gjithë Europën. Ai do të mbikëqyrë punën e fondit të shpëtimit të Eurozonës dhe drejtojë takimet e ministrave të financave të Eurozonës, detyrë e ngjashme me atë të kreut të Eurogrupit.

Të tjera ide mbi integrimin përfshijnë transformimin e Mekanizmit Europian të Stabilitetit në një Fond Monetar Ndërkombëtar. Komisioni e mbështeti idenë, por deklaroi se EMF duhet të kthehet në një institucion të Bashkimit Europian, që do të mbikëqyret nga Parlamenti.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.