Takimi në Durrës/ Hahn: Prioritet kyç ndërtimi i një zone ekonomike, me rëndësi për rritjen ekonomike dhe nxitjen e punësimit (FOTOT)
Në takimin me Kryeministrat e Ballkanit Perëndimor në Durrës, komisioneri i zgjerimit Johannes Hahn u shpreh se prioritet kyç është ndërtimi i një zone ekonomike rajonale, për të nxitur rritjen ekonomike dhe rritjen e vendeve të punës për qytetarët, raporton SCAN.
Hahn i ka postuar mesazhet e tij në rrjetin social “Twitter”, duke njoftuar kështu nisjen e takimit. Më tej ai është shprehur se integrimi nuk është një alternativë për aderimin në BE për gjitha vendeve të Ballkanit Perëndimor, por një shtesë e dobishme.
Në këtë postim, Hahn mësohet të ketë folur në takim për bashkëpunimin rajonal, hapat e ardhshme në rrugën që ka Shqipëria por edhe vendet e rajonit drejt BE.
Kryeministrat u shprehën se ndërmarrja e politikave lokale janë çelësi i suksesit për bashkëpunimin rajonal, sipas Procesit të Berlinit.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.