Taksa e ndërtesës gjatë 2018 do të aplikohet vetëm në 4 bashki! Çfarë parashikon projektbuxheti 2018
Ngritja e kadastrës fiskale, fillimisht për 2018 pritet të bëhet funksionale kadastra për katër bashki vetëm mbi taksimin e ndërtesave. Ky plan përcaktohet në projektbuxhetin e vitit 2018. Bashkitë që do të aplikojnë taksimin e ndërtesave sipas projektit të ri janë Tirana, Durrësi, Fieri dhe Korça, raporton portali ekonomik SCAN.
Në vitin 2019 synohet realizimi i një databazë kombëtare të centralizuar për të gjitha pronat dhe mbulim tërësisht të territorit të Shqipërisë.
“Synimi i këtij plani është ngritja e një sistemi të integruar të të dhënave mbi pasuritë e paluajtshme. Ky sistem do të shërbejë për të përmirësuar administrimin dhe performancën e taksimit të pasurisë si dhe krijimin e bazës së nevojshme për të kaluar në një metodologji moderne llogaritje të taksës kalimin ne sistemin e taksimit ku baza e taksës të jetë vlera e pronës” shkruhet në relacionin e projektbuxhetit 2018.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.