Taksat me Kosovën, Kuvendi “OK” ndryshimeve – Denaj: Tatimi për dividentin 5% vetëm në vendin e burimit, shmanget taksimi i dyfishtë i kompanive
Kuvendi ka miratuar të hënën disa ndryshime në Marrëveshjen e vitit 2014 mes Shqipërisë e Kosovës për shmangien e tatimit të dyfishtë. Ministrja e Financave Anila Denaj argumentoi para deputetëve se ndryshimet adresojnë disa paqartësi lidhur me tatimin mbi dividentin e kompanive të të dy vendeve duke bërë të mundur që ai të vilet vetëm në vendin ku burojnë të ardhurat.
Përveç ndryshimit të nenit 10, në Marrëveshjen me Kosovën u modifikuan edhe disa nene të tjera, të cilat kryesisht kanë për qëllim sigurimin e disa standardeve minimale ndërkombëtare për të luftuar erozionin e bazës së tatueshme dhe transferimin e fitimeve (BEPS – Base Erosion and Profit Shifting), në kuadër të projektit ndërkombëtar BEPS, pjesë e të cilit tashmë është dhe vendi ynë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.