Taksitë fluturuese – Uber hap garën ndërkombëtare për qytetin e tretë ku do të nisë projekti
Uber ka hapur të mërkurën një konkurs për të përzgjedhur qytetin e parë ndërkombëtar për nisjen e projektit e propozuar për taksitë fluturuese, pas vonesave të dukshme për marrjen e shërbimit në Dubai.
Më herët kompania ishte shprehur se mund të ishte ky i fundit qyteti i tretë i nisjes së projektit, por më pas ka njoftuar rihapjen e përzgjedhjes për përfshirjen e qyteteve të tjera që i përshtateshin më shumë kritereve për operimin e taksive fluturuese.
Shërbimi i ri, i njohur si UberAir, synon të nisë fluturimet demonstruese duke filluar që nga 2020. Vitin e kaluar u përzgjodhën Dallas dhe Los Angelos si dy qytetet e para të nisjes, ndërkohë që tani kompania po kërkon një tjetër qytet për të marrë pjesë, tha Jeff Holden.
Kompania tha se do të marrë në konsideratë qytete me një popullsi më të madhe se 2 milionë njerëz, me popullsi të shpërndarë, me aeroport të paktën një orë larg nga qendra e qytetit i cili është i gatshëm të mbështesë shërbimet e përbashkëta.
Uber ka për qëllim të shpejtojë zhvillimin e një industrie të re elektrike, ku klientët mund të porosin shërbimin me taksi fluturuese me anë të telefonit. Kompania parashikon një flotë automjetesh elektrike me avion dhe helikopterë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.