TAP do të ndihmojë Europën dhe Ballkanin që të kalojnë në një ekonomi që emeton më pak dioksid karboni
Gazsjellësi Trans-Adriatik (TAP) i cili do të transportojë gazin natyror, do të kontribuojë në dekarbonizim. Sipas përfaqësueses së TAP për Greqinë, Katerina Papaleksandri, efektet tij do të ndjehen kryesisht Europën Jug-Lindore dhe në Ballkanin Perëndimor.
“Tubacioni i gazsjellësit Trans-Adriatik do të ndihmojë Europën të kalojë në ekonomi me një pjesë të ulët të dioksidit të karbonit, ajo do të diversifikojë burimet e furnizimit me energji, do të forcojë konkurrencën europiane dhe do të përmirësojë lidhjen europiane të gazit” shtoi ajo.
Projekti TAP, me vlerë 4,5 miliardë euro, është një nga projektet prioritare të energjisë për Bashkimin Evropian (BE). Projekti parashikon transportimin e gazit nga fushat e “Shah Deniz” në Azerbajxhan drejt vendeve të BE-së.
Projekti i cili filloi në vitin 2016, aktualisht është në fazën e tij të ndërtimit. Pasi të ndërtohet , TAP do të ofrojë një rrugë transporti të drejtpërdrejtë dhe me kosto efektive, duke hapur Korridorin jetësor të gazit jugor, një zinxhir me vlerë të gazit prej 3.500 kilometrash, që shtrihet nga deti Kaspik në Europë.
Gjithashtu Papaleksandri tha se pritet që kërkesa për gaz natyror të rritet, pasi ai zëvendëson qymyrin dhe drurin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.