TAP vijon investimet – Kopsht i ri në zonën e Urës Vajgurore, shërben edhe si qendër sociale
Në fshatin Pashalli të Beratit, mbi 30 fëmijë të moshës 3-6 vjeç do të mësojnë në një kopsht krejtësisht të ri, me standarde bashkëkohore, falë investimit të rreth 200’00 eurove nga Gazsjellësi Trans Adriatik (TAP), projekt i propozuar nga bashkia e Urës Vajgurore.
“Ne kemi bërë disa vepra, nuk është vetëm kjo, por kjo sot i shkon drejtpërdrejt fëmijëve të kësaj zone, si një nga prioritetet që ka pasur bashkia për problematikat sociale. Dhe më vjen mirë që arritëm të realizonim një kopsht me të gjitha kushtet, por që do të shërbejë edhe si qendër sociale për këto lagje të bashkisë së urës vajgurore”– tha ministri Klosi gjatë inaugurimit të kopshtit të ri, në fshatin Pashalli.
Sipas kryetares së Bashkisë së Urës Vajgurore, ky kopsht i bashkëngjitet 8 të tjerëve në këtë bashki, pa përjashtuar edhe ndërhyrjet në shkolla në ndihmë të komunitetit që përfaqësojnë.
Nga ana tjetër, menaxheri i TAP për Shqipërinë, Malfor Nuri, tha se kopshti i ri është shembull i marrëdhënies që TAP ka krijuar me komunitetet dhe qeverisjen vendore, pasi investime të tilla nuk mund të realizohen pa bashkëpunimin e të gjitha palëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.