”Tapë” në Tiranë- Policia vë në pranga 59 drejtues mjetesh
Policia Rrugore e Tiranës, gjatë javës që lamë pas, ka vënë në pranga 59 drejtues mjetesh dhe motomjetesh, për drejtim mjeti në gjendje të dehur dhe pa patentë.
Saktësisht, 22 prej tyre janë arrestuar në gjendje të dehur dhe 37 prej tyre janë arrestuar pasi kanë qenë të papajisur me leje drejtimi.
Gjithashtu, janë proceduar administrativish:
- 46 drejtues mjetesh, për mosrregullim shpejtësie në qendrat e banuara dhe gara me shpejtësi.
- 545 drejtues motomjetesh dhe ciklomotorësh, për mospërdorim të kaskës mbrojtëse
- 657 drejtues mjetesh të kategorive të ndryshme, për përdorim të aparatit celular gjatë drejtimit të mjetit
- 197 drejtues mjetesh, Janë proceduar për mosdhënie përparësie ndaj këmbësoreve
- Janë ndëshkuar 1236 drejtues mjetesh për parkim të gabuar, kryesisht në rresht të dytë dhe mbi trotuare.
Si dhe janë vendosur 3578 masa administrative për shkelje të tjera të rregullave të qarkullimit rrugor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.