Tarifat 100% për produktet serbe – Rama: Nuk është luftë tregtare, por reagim politik. Në krah të Kosovës
“Ne mbështesim 100% tarifat tregtare Kosovë-Serbi dhe ne do të vazhdojmë të jemi në krah të Kosovës.” Kështu është shprehur kryeministri Edi Rama, në konferencën e përbashkët lidhur me tarifat e vendosura 100% nga Kosova për produktet serbe. Sipas Ramës, kjo nuk është një luftë tregtare, por një reagim politik.
Ndërsa, i pyetur lidhur me deklaratën e ministrit të Ekonomisë, Arben Ahmetaj, mbi vendosjen e tarifave, Rama tha se ai ka thënë diçka normale Ministri ka folur në parim që tarifat janë të pashëndetshme për ekonominë në kontekst bashkëpunimi.
“Nuk është një luftë tregtare. Është një reagim politik ndaj një shteti fqinj që tjetër thotë e tjetër bën. Ndaj një shteti fqinj që hiqet si viktimë në raport me Kosovën dhe dhe gjithë kohën ngul thika pas shpine Kosovës. Është reagimi më normal në një situatë anormale. Nuk është reagim i natyrës ekonomike. Është reagim i natyrës politike. Kosova nuk mund të pranojë që mallrat e Kosovës të jenë të palejuara të hyjnë në Serbi dhe mallrat e Serbisë të hyjnë në Kosovë me atë idenë apo me atë shpjegimi që jemi në kushte et tregtisë së lirë. Si e lirë? Nga njëra anë? Që kur është për të sjell mallra në Kosovë hyhet si në tregti të lirë e kur çohen mallra në serbi është si në luftë? Për sa a takon ne i themi fjalët me radhë. Ministri i financave ka thënë diçka krejt normale. Tarifat nuk janë të shëndetshme në një situatë shkëmbimesh tregtare mes dy vendeve që jetojnë në niodrnmaliteti”, u shpreh Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.