Tarifat e reja të Trump ndaj Kinës, goditen tregjet ndërkombëtare
Donald Trump ka thënë se gjërat po shkojnë shumë mirë me Kinën, një ditë pasi tregjet financiare në të gjithë botën ranë fuqishëm pas kërcënimit të presidentit për të vendosur një tarifë të re në 300 miliardë dollarë për mallrat kineze, në një përshkallëzim të shpejtë të luftës tregtare midis Uashingtonit dhe Pekinit.
Trump vendosi papritur të enjten të vendosë tarifa 10% në 300 miliardë dollarë në importet kineze, duke surprizuar tregjet financiare dhe duke i dhënë fund një armëpushimi 1 mujor.
Kina u zotua të premten për të luftuar mbrapsht. Zëdhënësi i ministrisë së jashtme, Hua Chunying, tha se vendi nuk do të bjerë pre e presionit të Uashingtonit, raportoi Reuters.
Shtëpia e Bardhë tashmë vendos tarifa prej 25% në 250 miliardë dollarë të mallrave kineze. Shtimi i tarifës së re do të thotë që afërsisht të gjitha importet kineze në SHBA përballen me taksa të larta. Kina shiti 539.7 miliard dollarë mallra në SHBA vitin e kaluar.
Tarifat kanë për qëllim të bëjnë më të shtrenjta mallrat e huaja për të fuqizuar prodhuesit vendas, ose që eksportuesit ndërkombëtarë të ulin çmimet. Por nuk ka prova që Kina po ul çmimet për të akorduar tarifat e Trump.
Mosmarrëveshja e tregtisë SHBA-Kinë ka patur një efekt trishtues në ekonominë botërore pasi vëllimet e tregtisë globale janë në rënie dhe kompanitë e mëdha po ndërpresin investimet. Rritja është ngadalësuar në të gjithë botën, ndërsa disa vende të mëdha po flirtojnë me recesionin.
Burimi: The Guardian
DOSTI BANUSHI – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.