“Tarifat e ujit të mos ndryshojnë për 5 vjet” – Kuvendi, ERRU-së: Miratoni program, standarde minimale për furnizimin me ujë në fshat
Enti Rregullator i Ujit duhet të miratojë një program afatmesëm të planit tarifor, në mënyrë që tarifat për ujin dhe kanalizimet të mos ndryshojnë për një periudhë 5-vjeçare. Kjo është një prej kërkesave të rezolutës së Kuvendit, për ERRU-në, që mori dakordësinë në Komisionin parlamentar të Veprimtareve Prodhuese.
Në rezolutën e vitit 2021, një rëndësi e veçantë i kushtohet edhe shërbimeve me ujë dhe kanalizime në zonat rurale, ku u kërkua që ERE të vendosë standarde minimale të furnizimit apo mënyrës së pagesës së faturave.
Paralelisht, u kërkua edhe hartimi i skemave të licencimit nga ana e Entit Rregullator të Uji për ata qytetarë që kanë investuar vetë në drejtimit të sigurimit të furnizimit me ujë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.