Tarifat gjyqësore, ndihma juridike – Ligjet shtyjnë miratimin në tërësi, Gjonaj: Pr/ligji përjashton abuzimet
Shtyhet miratimi në tërësi i projektligji për tarifat gjyqësore. Gjatë seancës së radhës në Komisionin parlamentar të Ligjeve, deputeti socialist Bashkim Fino, një ndër iniciatorët e këtij projektligji ku parashikohet përjashtimi i shtresave në nevojë, kërkoi kohë për tu njohur me përgjigjen e Ministrisë së Financave .
Komisioni votoi në parim edhe projektligjin për ndihmën juridike falas. Sipas ministres së Drejtësisë Etilda Gjonaj ky projektligj përjashton një kategori të gjerë personash nga tarifat gjyqësore, eliminon abuzimet si edhe parashikon një administrim më të mirë të buxhetit
Ky projektligj pritet të miratohet në tërësi pas caktimit të faturës financiare në ditët në vijim. Të dy projektligjet të sjella në komision janë pjesë e paketës së reformës në drejtësi.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.