Tashmë dronët edhe si taksi – Përfundon testimi, së shpejti nisin fluturimet

Shumica e dronëve janë të vegjël dhe nuk mbajnë asgjë më shumë se sa thjesht një kamera.

Por Ehang Corp, një krijues i madh kinez ka testuar për shumë kohë taksitë fluturuese Ehang 184.

Një dron i dizajnuar për të transportuar njerëzit. Tashmë ky dron është testuar më shumë se 1000 herë me dhe pa pasagjerë, raporton CNN.

Ehang shpërtheu në skenën ndërkombëtare në CES në Las Vegas në 2016, duke premtuar një ëndërr të transportit robotik personal me anë të një droni. Tani mund të themi se e ka realizuar premtimin e saj, edhe pse ka akoma teste që duhen ndjekur në Dubai dhe Las Vegas.

Me tetë rotorë fuqi elektrike, Ehang 184 mund të fluturojë 10 milje me shpejtësi deri në 80 mph ose më shumë.

Ky lloj transporti është një mënyrë shumë e mirë për të shmangur trafikun e rënduar.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.