Tatimet intensifikojnë kontrollet – Penalizohen 1437 biznese në të gjithë vendin
1 437 subjekte në të gjithë vendin me një vlerë në total prej rreth 52.5 milionë lekë janë penalizuar nga kontrollet e ushtruara nga Administratat Tatimore nga data 22 qershor e në vazhdim.
Referuar të dhënave të Drejtorisë së Përgjithshme, gjatë kësaj periudhe janë kontrolluar në total 3 587 subjekte në të gjithë vendin. Pjesa më e madhe e tyre janë pezulluar për shkak të moslëshimit të kuponit tatimor, ndjekur nga mosdeklarimi i punonjësve si dhe mosregjistrimi i tyre në organet tatimore.
Më konkretisht, sipas DPT-së:
- 152 subjekte janë konstatuar të paregjistruara në organet tatimore
- 31 subjekte janë bllokuara për 30 dite kalendarike, për shkeljen “moslëshim kuponi” (hera e dytë).
- 415 subjekte janë penalizuar për “moslëshim kuponi tatimor”
- 240 tatimpagues janë penalizuar për “punonjës të padeklaruar”
- 53 tatimpagues janë penalizuar për “mospasjisje me kasë fiskale”
- 97 tatimpagues janë penalizuar për “mosmbajtje kase në gjendje pune”
Ndërkohë, Administrata Tatimore bën me dije se do të intensifikojë kontrollet në të gjithë vendin me qëllim reduktimin e informalitetit dhe garantimit e konkurrencës së ndershme.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.