Tatimet, njoftim të rëndësishëm për bizneset dhe individët! Çfarë duhet te deklaroni deri me 20 gusht

Drejtoria e Përgjithshme e Tatimeve, njofton të gjithë tatimpaguesit (shoqëritë tregtare/personat juridikë), të cilët sipas ligjit “Për tregtarët dhe shoqëritë tregtare” kanë marrë vendimin e destinimit të fitimit pas tatimit dhe e kanë shpërndarë atë në formë dividenti, se afati i fundit i deklarimit dhe pagesës së tatimit të mbajtur në burim, është data 20 Gusht 2018.

“Deklarimi i shumës së dividentit, bëhet përmes deklaratës së tatimit të mbajtur në burim, e cila dorëzohet online në administratën tatimore brenda kësaj date. Pagesa për tatimin bëhet në bankat e nivelit të dytë, brenda datës 20 Gusht, pavarësisht nëse është kryer apo jo pagesa e dividentëve për subjektet/individët përfitues” njoftojnë Tatimet.

Në rast mosdeklarimi apo mospagese në afat të tatimit mbi dividentët, Tatimet njoftojnë se do të zbatohen dispozitat përkatëse ligjore, çka nënkupton penalitet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.