Tatimet rikujtojnë avokatët për Përgjegjësinë Tatimore – Të vijnë në Drejtoritë Rajonale të deklarojnë pjesëmarrjen në skemën e TVSH-së
Drejtoria e Përgjithshme e Tatimeve u rikujton të gjithë personave që ushtrojnë profesionin e avokatit se duhet të drejtohen pranë Drejtorive Rajonale ku janë të regjistruar, për të deklaruar në mënyrë individuale, zgjedhjen për të qenë pjesë ose jo e skemës së TVSH-së. Deklarimi duhet bërë në mënyrë që këta të fundit të ndryshojnë përgjegjësinë tatimore për subjektet tatimpagues që ushtrojnë profesionin e avokatit.
Paraqitje pranë tatimeve është bërë e domosdoshme pas shfuqizimit nga Kolegji Administrativ i Gjykatës së Lartë të aktit administrativ për Tatimin mbi Vlerën e Shtuar për këtë profesion, duke e trajtuar si një veprimtari ekonomike që duhet të përfshihet në skemën e TVSH-së, vetëm pasi të ketë plotësuar xhiron vjetore të përcaktuar.
Kujtesa e Tatimeve vjen pasi edhe Dhoma Kombëtare e Avokatisë ka dhënë rekomandimet e saj disa javë më parë në lidhje me këtë çështje.
Duke u konsideruar si avokatë subjekte të biznesit të vogël dhe në avokatë subjekte të biznesit të madh, tashmë është xhiroja vjetore që ndan dhe shkallët e përgjegjësisë tatimore (5 milionë lekë të reja aktualisht, 2 milionë lekë të reja sipas propozimit të paketës së re fiskale).
Dhoma Kombëtare e Avokatisë rekomandon avokatët të ndjekin procedurat e mëposhtme:
- Çdo avokat në mënyre individuale, ose përfaqësuesi i tij, duhet te paraqitet pranë zyrës së drejtorisë rajonale tatimore ku duhet të kontaktojë inspektorin e tatimeve që mbulon aktivitetin e tij dhe të kërkoje ndryshimin e statusit, nga subjekt i pagesës së TVSH ne subjekt biznes i vogël, pavarësisht formës juridike person fizik apo juridik.
- Pasi të ketë marrë miratimin për këtë qellim duhet te drejtohet tek operatoret e mirëmbajtjes së kasave fiskale, për të bërë ndryshimin e aparatit, për prodhimin e kuponit me TVSH zero.
- Pas këtyre dy proceseve te para, te paraqitet pranë drejtorive rajonale tatimore për te dorëzuar bllokun e faturave tatimore te tërhequra dhe te papërdorura nga ana e tyre, ndërkohë qe duhet te pajisen me blloqet tatimore me emërtimin “Fature e Thjeshte Tatimore”. Blloqet e faturës se thjeshte tatimore nuk tërhiqen nga autoriteti tatimor, por blihen ne shitje te lire ne pika te autorizuara te qytetit
- Me këtë rast detyrimi i deklarimit online pranë organit tatimor reduktohet një here ne çdo tre muaj dhe kufizohet vetëm me deklarimin e kontributeve te sigurimeve shoqërore e shëndetësore dhe tatimin ne burim.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.