Tatimet takim me përfaqësues të bizneseve –Kërkesë për lehtësimin e procedurave të dokumentacionit dhe rritjen e shkallës së informimit
Administrata tatimore vijon konsultimet me komunitetin e biznesit në të gjithë Shqipërinë në kuadër të aksionit anti informalitet.
Drejtoria Rajonale Tatimore Shkodër zhvilloi sot një takim me përfaqësuesit e biznesit të Malësisë së Madhe. Fokusi i takimit ishte edhe zbatimi i aksionit anti informalitet. Po ashtu, gjatë takimit u diskutua edhe për problematikat e ndërsjella.
Përfaqësuesit e DRT informuan pjesëmarrësit lidhur me fazën e fundit të Ligjit të Faljes, si dhe me nëntë shërbimet e reja që Drejtoria e Përgjithshme e Tatimeve ka ofruar në portalin e-albania.
Ndërkohë, po në kuadër të aksionit anti informalitet, Drejtoria Rajonale e Fierit organizoi një takim me përfaqësues të biznesit në Mallakastrës.
Këta të fundit kërkuan vazhdimin e lehtësimit të procedurave të dokumentacionit tatimor si dhe rritjen e shkallës së informimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.