Tatimet thirrje bizneseve: “Afatet e deklarimit dhe pagesës së tatimeve nuk kanë ndryshuar”
Drejtoria e Tatimeve nëpërmjet një noftimi ka lajmëruar të gjithë tatimpaguesit se afatet e deklarimit dhe të pagesës së detyrimeve tatimore nuk kanë ndryshuar.
Në këtë mënyrë nëpërmjet shërbimit e-filing, DPT i bën thirrje tatimpaguesve që online të bëjnë deklarimet e TVSH-së sipas afatit të përcaktuar në kalendarin e Tatimeve:
Njoftimi i plotë:
Afatet e deklarimit dhe pagesës së detyrimeve tatimore nuk kanë ndryshuar!
⏰Administrata Tatimore sjell në vëmendje te të gjithë tatimpaguesve se afatet e deklarimit dhe pagesës së detyrimeve tatimore nuk kane ndryshuar.
👉Afati i parë i deklarimit, është data 10 Prill, në të cilën të gjithë subjektet e Tatimit mbi Vlerën e Shtuar (TVSH), duhet të dorëzojnë në mënyrë elektronike, nëpërmjet e-filing, regjistrimet e Librave të Shitjes dhe të Blerjes, per periudhën Mars 2020.
✍️Ndërkohë që vijojnë të mbeten të pandryshuara afatet e deklarimit dhe pagesës së: – Tatimit mbi Vlerën e Shtuar (TVSH) datë 14 Prill, – Kontributet e sigurimeve shoqërore dhe ato shëndetësore dhe Tatimit mbi të ardhurat nga Punesimi (TAP) për të gjithë subjektet tatimpagues datë 20 Prill, -Taksat Kombëtare, Rentës Minerare, Tatimit të Mbajtur në Burim si dhe Deklarimi dhe pagesa e detyrimeve tatimore për Lojërat e fatit, datë 15 Prill.
👉Ndiqni linkun https://www.tatime.gov.al/kalendar.php ku do të gjeni afatet e deklarimit dhe pagesës së detyrimeve tatimore.
Administrata Tatimore nxit tatimpaguesit dhe iu bën thirrje që të respektojnë afatet ligjore të deklarimit dhe pagesës së detyrimeve tatimore për aktivitetin e zhvilluar gjatë muajit Mars.
Ju Faleminderit!🇦🇱
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.