Tatimfitimi, listëpagesat, kontributet- Deklarimet në Tatime, datat që duhet të kenë parasysh bizneset dhe individët gjatë muajin prill!
Muaji prill shënon edhe muajin ku tatimpaguesit duhet të plotësojë një serë deklaratash për efekt tatimor. Krahas detyrimeve mujore, gjatë këtij muaji bizneset dhe individët me të ardhura të larta duhet të plotësojnë deklarata për tatimin mbi fitimin, deklaratën individuale të të ardhurave vjetore, për listëpagesat, kontributet e sigurimeve shoqërore dhe shëndetësore për tre muajt e parë të këtij viti etj.
Mëposhtë kalendari tatimor i muajit prill:
10 prill 2018
Afati i fundit i dorëzimit në mënyrë elektronike të librave të shitjes dhe blerjes për periudhën mars 2018.
16 prill 2018
Afati i fundit i deklarimit elektronik dhe i pagesës së TVSH-së për periudhën mars 2018.
16 prill 2018
Deklarimi dhe pagesa e detyrimeve tatimore për lojërat e fatit në veprimtarinë e realizuar në periudhën mars 2018.
16 prill 2018
Këstet e tatimit mbi fitimin, mund të paguhen edhe në baza mujore, jo me vonë se data 15 e çdo muaji, por afati i fundit i parapagimit të këstit tremujor të tatimit mbi fitimin, për prill, maj, qershor është data 30 qershor 2018.
20 prill 2018
Afati i fundit i deklarimit të listëpagesës dhe pagesës së Kontributeve te Sigurimeve Shoqërore, Shëndetësore dhe Tatimit mbi të Ardhurat nga Punësimi, për personat fizikë të regjistruar si tatimpagues të tatimit te thjeshtuar mbi fitimin, për muajin janar, shkurt, mars 2018.
20 prill 2018
Afati i fundit i deklarimit të listëpagesës dhe pagesës së Kontributeve të Sigurimeve Shoqërore, Shëndetësore dhe Tatimit mbi të Ardhurat nga Punësimi për periudhën mars 2018.
20 prill 2018
Afati i fundit i deklarimit dhe pagesës së Tatimit në Burim për periudhën mars 2018.
30 prill 2018
Afati i fundit i deklarimit dhe pagesës së Deklaratës Individuale Vjetore të të Ardhurave për vitin 2017.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.