Tatuazhi më inovativ i të gjitha kohërave! Cilat shërbime ofron mikroçipi nën lëkurë, që nga pagesa në bankë, e deri te parametrat fiziologjikë

Një tatuazh me teknologjinë OLED, i njëjtë me ekranet e smartphone-ve, do të shtojë funksione të rëndësishme në pajisjet që vishen, nëpërmjet inovacionit dhe zhvillimeve të teknologjisë!

Bëhet fjalë për disa ngjitës, të njëjtë me tatuazhet verore, të cilët mund të mbahen sipër lëkurës por edhe nën të. Me vendosjen e tyre behet i mundur përdorimi i një game të gjerë opsionesh. Për shembull, bëhet fjalë për shërbime të dobishme si në rastin e sportistëve që duan të monitorojnë parametrat fiziologjikë (rrahjet e zemrës, oksigjeni, presioni i gjakut). Nga ana tjetër, nëse ky shembull nuk tingëllon aq inovativ, ka aplikacione të tjera që do të mundësohen nëpërmjet teknologjisë OLED që tejkalojnë çdo limit të deritanishëm të tatuazheve. Bëhet fjalë për mikroçipe që vendosen nën lëkurë, për të bërë pagesa pa kontakt.

Studimi është botuar në “Advanced Electronic Materials”, nga Kolegji Universitar i Londrës (UCL) dhe Instituti Italian i Teknologjisë (IIT). Këta të fundit, janë ende në fazën e testimit të projektit inovativ.

Burimi origjinal: Focus.it

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.